KARAR
2024 yıla gagauz dilinin kullanmak sferasını genişletmäk Programasını diișilmekleri koymak için
Hesaba alıp Gagauziya Bakannık Komitetin Kararını №35/16, 20.11.2024 y. «2024 yıla gagauz dilinin kullanmak sferasını genişletmäk Programasını diișilmekleri koymak için», dayanarak Gagauz Erin (Gagauziyanın) Temel Kanonun №28/1998 st.75, «Gagauziya (Gagauz Eri) ATB teritoriyasında dillerin kullanması» kanonuna №3/1995, «Gagauz dilinin kullanmak sferasını genişletmäk için» kanonuna №30/2018 p.(1), p.(4) st.27, uyarak Moldova Respublikasının «Gagauziya (Gagauz Eri) ATB özel hak statusu için» kanonuna №344/1994 p. (1) st.12,
Gagauziyanın Halk Topluşu kableder bu kararı:
- 2024 yıla gagauz dilinin kullanmak sferasını genişletmäk için Programasınа diișilmekleri koymaa (Eklenti).
- Bu karar kuvedä kabletmäk günündän girer.
Gagauziya
Halk Topluşunun Başı D.G. Konstantinov
mun. Komrat, 06.12.2024 y.
№ 386-XXIX/VII
Eklenti
Gagauziyanın Halk Topluşun Kararına № 385-XXIX/VII 06.12.2024 y.
2024 YILA GAGAUZ DİLİNİN KULLANMAK SFERASINI
GENİŞLETMÄK İÇİN PROGRAMASINA EKLENTİLÄR
№
s/v |
Sıralar | Sorumnu | Tamanna—mak vakıdı | Finans kaynakları, toplam | Efektivlik gösterimneri |
49. | Gagauz dilindä “Uşakların sevda duyguları” uşak türküsü karaoke toplumun kurulması (USB taşıyıcıda). Karaoke toplumunda olacek 32 audio hem video fayl küçäk yaşta uşaklara materiallan. Gagauz dilinin hem gagauz halkının istoriyasını hem adetlerini üürenmektä pek meraklı audio hem video materiallar. Material erleştirili tematikalara görä. Toplum verilecek Gagauziya ATB-nın erkenki üüretim kurumnarına. | Gagauziya genel kultura bakannıı | yılın içindä | 50 400 ley
200 ekz.
|
Hazırlanmış karaoke
toplumu |
50. | Aktarılan kalendarın hazırlanması (A3 formatında).
2025 yıla 12 sayfalık aktarılan kalendar. Kalendarın sayfalarında erleştirili Gagauziya ATB-nin kulturasını hem incä zanaatını açıklayan sıraların renkli fotoları. |
Gagauziya genel kultura bakannıı | yılın içindä | 13 750 ley
100 ekz. |
Hazırlanmış aktarılan kalendar (A3 formatında) |
51. | Aktarılan kalendarın hazırlanması (A5 formatında).
Gagauz dilindä Gagauziya ATB-nin önemni sıralarınnan masa üstü aktarılan kalendar. |
Gagauziya genel kultura bakannıı | yılın içindä | 15 500 ley
100 ekz. |
Hazırlanmış aktarılan kalendar (A5 formatında) |
TOPLAM: | 6 000 000 ley |