Paalı dostlar!

Büün, aprilin 27-sindä, Gagauz aydınnadıcısının Mihail Ҫakirin duuma günündä, Gagauziyada kutlȇȇrız Ana dilimizin yortusunu. Halkın en büük zenginni – onun dili!

Halk Topluşun deputatları bütün ürektän kutlȇȇrlar sizi bu önemni günnän. Biliner ki sevda kendi Vatanına olamaz sevdasız ana dilinä. Gagauzlar – o talantlı bir halk, dilini sevän, inanı sayan!

Ana dilimizin yardımınnan var nicä bilelim hem koruyalım tradițiyalarımızı, adetlerimizi hem bizim dedelerimizin istoriyasını. Korumaa ana dilimizi – o bizim borcumuz.

Sevin, koruyun, ilerledin, hodullanın bizim Ana dilimizlän!

Yaşadalım Ana dilimizi!

Saygiylan
Halk Toplusu bași
D.G. Konstantinov